Palas mewn Parc

Agorodd Amgueddfa Sir Gâr eto ym mis Ionawr 2022. Cafwyd newidiadau pwysig yno dros y ddwy flynedd ddiwethaf. Os ydych wedi ymweld yn rheolaidd, rydych yn siŵr o ryfeddu pan welwch y gwelliannau. Nid yw’r to yn gollwng bellach. Mae’r simneiau wedi eu trwsio. Mae’r ffenestri wedi eu paentio. Mae angen gwneud mwy o waith ar gwpwl o’r orielau cyn i ni eu hagor i chi eu mwynhau. Mae hyn yn cynnwys ein Oriel Ddarganfod newydd sy’n croesawu teuluoedd.

Ond dim ond y dechrau yw hyn. Fe welwch chi fwy o newidiadau cyffrous yn y dyfodol. Am y tro mae rhai o'n gwrthrychau yn cael seibiant, fel ein harchaeoleg Gynhanesyddol a Rhufeinig a'n cerrig coffa Cristnogol Cymreig. Byddan nhw'n ôl pan allwn ni eu cynnwys mewn arddangosfeydd newydd gwych.

Mae llawer o bobl yn gwybod bod yr amgueddfa’n balas ar un cyfnod i esgobion Tyddewi. Ac os byddwch yn ymweld, byddwch yn gweld llawer o bethau oedd yn gyfarwydd iddyn nhw, yn cynnwys y gegin fawr a’u capel preifat. Er bod hon yn amgueddfa, mae pobl yn hoff o’r ffaith bod ystafelloedd y palas a’r mannau cysylltiedig yn weddol fach ac wedi eu bwriadu i fod yn gartref.

Mae Parc yr Esgob yn edrych yn wych, diolch i waith adfer Ymddiriedolaeth Porth Tywi. Mae tro o amgylch y tir yn brofiad braf iawn, ac mae eu caffi newydd yn agored erbyn hyn i chi allu prynu coffi blasus a chacennau hyfryd.

Mynediad am ddim i’r amgueddfa.

Oriau Agor 2023

4 Mehefin i 21 Gorffennaf, ar agor dydd Mawrth i ddydd Sadwrn, 11yb – 4yp

22 Gorffennaf i 3 Tachwedd, ar agor dydd Mawrth i dydd Sadwrn, 10yb – 5yp

4 Tachwedd i 31 Rhagfyr, ar agor dydd Mercher i dydd Sul, 11yb - 4yp

Ar gau 27 Rhagfyr

Oriau Agor 2024

1 Ionawr i 31 Mawrth, ar agor dydd Mercher i dydd Sul, 11yb - 4yp

1 Ebrill to 3 Tachwedd, ar agor dydd Mercher i dydd Sul, 10yb - 5yp

Pasg/Gwyliau Ysgol Mai, ar agor bob dydd, 10yb - 5yp

Gwyliau Haf, ar agor bob dydd, 10yb - 6yp

4 Tachwedd i 31 Rhagfyr, ar agor penwythnosau + rhwng y Nadolig a'r Flwyddyn Newydd, 11yb - 4yp

Ble ydym ni?

Mae map lleoliad Google ar waelod y dudalen hon. Ond gallwch ddod o hyd i ni gerllaw’r A40, ym mhentref Abergwili, ddwy filltir i’r dwyrain o ganol tref Caerfyrddin. Mae gan y dref orsaf drenau, gorsaf bysiau a nifer o gwmnïau tacsi. Gallwch gerdded i’r amgueddfa neu ddod ar feic, ar fws cyhoeddus neu mewn car. Mae bysiau’n aros y tu allan i Barc yr Esgob ac yn agos at y maes parcio. Edrychwch yma i gael rhagor o fanylion.

Maes parcio

Dim ond lle i tua 20 o gerbydau sydd yn y maes parcio ac nid oes gennym leoedd parcio dynodedig. Y newydd da yw ein bod wedi derbyn caniatâd cynllunio i wneud gwelliannau.

Cyrraedd

O faes parcio’r amgueddfa ewch yn syth i ganolfan ymwelwyr Parc yr Esgob a’i gaffi newydd sbon. Mae mynedfa’r amgueddfa ar yr ochr arall.

Os byddai’n well gennych aros tan ddiwedd eich ymweliad cyn cael coffi a chacen, gallwch gyrraedd mynedfa’r amgueddfa mewn dim amser ar hyd y llwybrau cerdded. Ar hyn o bryd, rydym yn cynghori ymwelwyr i osgoi defnyddio’r dreif i gerbydau am ei fod yn anwastad.

Yn lle hynny, rydym yn eich annog i ddilyn y llwybr newydd sy’n rhedeg yn glocwedd o’r maes parcio o amgylch tu allan yr adeilad. Mae ychydig bach yn bellach at y fynedfa, ond mae golygfeydd gwych ar draws dyffryn Tywi ac mae meinciau ar hyd y ffordd.