Tŷ Trysorau’r Bobl

Mae mynediad am ddim i’r Amgueddfa, ond rydym yn argymell rhodd o £3 i’n helpu i barhau i ofalu am y casgliadau a chynnal mwy o weithgareddau a digwyddiadau cyffrous.

Ionawr - Mawrth

Dydd Iau - Dydd Sul, 10-3:30

Ebrill - Medi

Dydd Mercher - Dydd Sul, 10-5

Hydref - Rhagfyr

Dydd Mercher - Dydd Sul, 10-3:30

Gwyliau Ysgol

Y Pasg: Dydd Mawrth - Dydd Sul, 10-5

Hanner Tymor Haf: Dydd Mercher - Dydd Sul, 10-5

Gwyliau Haf: Dydd Mercher - Dydd Sul, 10-5

Hanner Tymor Hydref: Dydd Mercher - Dydd Sul, 10-3:30

Nadolig a Ddydd Calan: Dydd Mercher - Dydd Sul, 10-3:30

Ar gau: Dydd Nadolig, Dydd San Steffan, Dydd Calan

Unrhyw gwestiynau? Ffoniwch ni (yn ystod oriau agor): 01554 742220 neu ffoniwch 01267 228696 ar bob adeg arall.

Ysbrydoli ein dyfeiswyr nesaf yw ein cenhadaeth yn Amgueddfa Parc Howard.

Mae ein harddangosfeydd newydd sbon yn arddangos rhai o'r syniadau a'r dyfeisiadau gorau i ddod allan o Lanelli. Mae llawer yn gwybod am olwyn sbâr gyntaf y byd - y Stepney - ond oeddech chi'n gwybod bod sylfaenydd Specsavers wedi ei eni yn y dref? Mae bob amser wedi bod yn lle o newid ac arloesi.

Nid dyna'r cyfan. Rydym yn eich gwahodd i archwilio, trafod a chwarae gyda'ch gilydd yn ein horiel Imaginariwm, gan mai dyma'r ffordd orau i ddysgu a gwneud synnwyr o'r byd. Roedd chwarae, dychymyg a chreadigrwydd yn dylanwadu ar deganau, diwylliant poblogaidd a hyd yn oed darganfyddiadau gwyddonol. Taniwch eich dychymyg trwy ddatrys y pos pyramid. Neu syllu mewn rhyfeddod ar ddelweddau hardd y caleidosgop. Efallai hyd yn oed darganfod dirgelwch Pepper's Ghost!

Amgueddfa wedi'i Thrawsnewid

Mae gwaith adnewyddu helaeth wedi trawsnewid Amgueddfa Parc Howard yn lle i ddarganfod a rhyfeddu. Mae'n amgueddfa deulu-gyfeillgar gyda chymuned a chreadigrwydd yn ganolog iddi.

Ailagorodd y llawr gwaelod i ymwelwyr ym mis Rhagfyr 2023 ar ôl dwy flynedd o waith adnewyddu ac ailagorodd y llawr cyntaf yng ngwanwyn 2024. Crëwyd yr arddangosfeydd a ddadorchuddiwyd trwy brosiectau cymunedol, gan amlygu straeon pobl Llanelli.

Cafodd y plasty Eidalaidd trawiadol ei hun ei weddnewid hefyd. Cafodd y tŵr, y to a’r porth eiconig eu hadfer ac uwchraddiwyd systemau drwyddi draw. Mae yna hefyd dderbynfa croesawgar a hygyrch i ymwelwyr gyda siop anrhegion yn llawn anrhegion chwareus a chofroddion lleol. Dyma hefyd y lle i fynd i ddod o hyd i ddiodydd poeth, byrbrydau a hufen iâ. 

Mae Cyngor Sir Gaerfyrddin a Chyngor Tref Llanelli wedi ariannu’r prosiect uchelgeisiol ac yn parhau i gydweithio i ddarparu profiad llawn hwyl a chynhwysol i ymwelwyr i bawb.