Ffoaduriaid a dynion wedi anafu
Am mai yn 1912 y rhoddwyd yr eiddo’n rhodd i’r dref, torrodd y Rhyfel Byd Cyntaf ar draws eu cynlluniau i ddatblygu’r tŷ a’r tir er budd y cyhoedd. Yn 1914, roedd Llanelli yn un o’r mannau niferus hynny a gynigiodd le diogel i bobl o Wlad Belg oedd yn dianc rhag ymosodiad yr Almaenwyr ar eu gwlad. Rhoddwyd cartref i lawer o deuluoedd ym Mharc Howard, yn cynnwys cwpwl oedd i fod i briodi ond yr amharwyd ar eu cynlluniau gan y rhyfel. Priododd y ddau ym mis Tachwedd a thalwyd am eu gwledd briodas yn y plasty gan yr Arglwyddes Howard Stepney.
Yna yn 1915 daeth Parc Howard yn Ysbyty Cynorthwyol y Groes Goch i filwyr wedi anafu. Efallai y byddwch yn gallu adnabod rhai o’r ystafelloedd a gafodd eu defnyddio fel wardiau yn y lluniau ar y dudalen hon. Roedd deunaw o nyrsys Croes Goch yn gofalu am fwy na deugain o gleifion ac roedd yr ysbyty’n weithredol hyd 1921.
Yna rhoddwyd y tŷ ar brydles i’r Pwyllgorau Pensiynau Rhyfel am dair blynedd i adfer iechyd milwyr anabl. Hwn oedd eu carreg gamu rhwng yr ysbyty a dychwelyd i fyw gartref. Efallai mai diddordeb yr Arglwyddes Howard Stepney mewn cefnogi anghenion pobl y dref a arweiniodd at ddefnyddio Parc Howard fel hyn.
Amgueddfa Sir Gâr
Cartref Dylan Thomas
Archwiliwch gartref olaf eiconig Dylan Thomas yn y Cartref—sy'n edrych dros aber Tâf yn Nhalacharn—sydd bellach yn amgueddfa CofGâr gydag arddangosfeydd dilys, ystafell de, siop anrhegion, a'i sied ysgrifennu enwog.
Amgueddfa Parc Howard
Darganfyddwch straeon am orffennol diwydiannol Llanelli yng nghalon y dref, yn ogystal â’i chasgliad enfawr o grochenwaith enwog o’r ardal.
Amgueddfa Cyflymder
Dewch i ddarganfod y profiad newydd sbon yma sy’n addas i deuluoedd ac sy’n adrodd hanes Traeth Pentywyn a’r recordiau cyflymder eiconig a gafodd eu gosod yno
Amgueddfa Ddiwydiannol Cydweli
Yn enwog am ei chastell lleol, mae Cydweli hefyd yn gartref i weithfeydd tunplat hynaf Ewrop. Er bod yr Amgueddfa ar gau i'r cyhoedd ar hyn o bryd, gallwch chi gael newyddion am ddatblygiad y lle hanesyddol hwn yma.