CofGâr
P’un a yw Sir Gaerfyrddin yn gartref i chi, neu os ydych yn ymweld o bell, mae amgueddfeydd CofGâr yma i rannu penodau cyfareddol o hanes cyfoethog Sir Gaerfyrddin gyda chi.
O greu recordiau byd ar ei thraethau i gynhyrchu bron i hanner tunplat y byd yn Sir Gaerfyrddin a Chymru yn ystod y 19eg ganrif, mae gan y sir hanes cyfoethog ac amrywiol y mae ein teulu o amgueddfeydd yn awyddus i’w arddangos.
Dyma CofGâr
Amgueddfa Sir Gâr
Cartref Dylan Thomas
Dewch i ddarganfod cartref a Sied Ysgrifennu eiconig Dylan Thomas, lle cafodd y bardd adfywiad creadigol.
Amgueddfa Parc Howard
Darganfyddwch straeon am orffennol diwydiannol Llanelli yng nghalon y dref, yn ogystal â’i chasgliad enfawr o grochenwaith enwog o’r ardal.
Amgueddfa Cyflymder
Dewch i ddarganfod y profiad newydd sbon yma sy’n addas i deuluoedd ac sy’n adrodd hanes Traeth Pentywyn a’r recordiau cyflymder eiconig a gafodd eu gosod yno
Amgueddfa Ddiwydiannol Cydweli
Yn enwog am ei chastell lleol, mae Cydweli hefyd yn gartref i weithfeydd tunplat hynaf Ewrop. Er bod yr Amgueddfa ar gau i'r cyhoedd ar hyn o bryd, gallwch chi gael newyddion am ddatblygiad y lle hanesyddol hwn yma.
Mwy am CofGâr
Ni yw CofGâr, gwasanaeth amgueddfeydd Cyngor Sir Caerfyrddin.
Yn CofGâr, rydym yn credu bod ein gorffennol yn llunio pwy ydyn ni heddiw. Ein cenhadaeth yw cadw stori Sir Gâr, a’r gorffennol, yn fyw. Mae ein henw Cymraeg yn gyfuniad o’r gair ‘cof’, i gyfeirio at gofio, a “Gâr” o Sir Gâr.
Fodd bynnag, nid rhannu straeon ddoe yn unig sy’n bwysig. Yn CofGâr, rydym eisiau ysgogi syniadau ac annog pobl i lunio’r dyfodol mewn ffordd bositif.
Mae amgueddfeydd CofGâr yn ymdrechu’n barhaus i gyrraedd y nod hwn wrth i ni fynd ati i guradu gwerth 50,000 o flynyddoedd o dreftadaeth ein cymuned, a dim ond y dechrau yw hynny! Cadwch olwg am fwy o ddiweddariadau ac os ydych chi’n hoffi'r hyn a welwch, beth am ymuno â ni fel gwirfoddolwr neu ffrind? Byddem ni wrth ein boddau yn clywed gennych.