Mae lleoliad yr amgueddfa yn hollol syfrdanol ac yn eistedd ar ymyl y traeth enwog. Mae pentref bychan prydferth Pentywyn wedi bod wrth galon recordiau byd ac arloesedd yn y byd moduro ers canrif bellach. Dysgwch fwy am sut daeth Traeth Pentywyn i ymddangos ar lwyfan y byd yma: Land Speed Records | Pendine Community Council (pendinesands.org)

Mae’r Amgueddfa Cyflymder yn hynod falch o fod yn rhan o raglen Cyrchfannau Denu Twristiaeth Llywodraeth Cymru. Mae hyn yn golygu bod yr Amgueddfa yn un o’r 13 o gyrchfannau y mae’n rhaid eu gweld ledled Cymru. I ddarganfod mwy am hyn ac am y mentrau eraill a helpodd i gyflwyno’r rhaglen, cliciwch yma:

Mae’r gofod digwyddiadau pwrpasol sydd wedi’i leoli ar lawr cyntaf yr Amgueddfa yn cynnwys ffenestr enfawr sy’n ymestyn o’r llawr i’r nenfwd, gyda golygfeydd unigryw o draeth saith milltir o hyd Pentywyn.

Gellir trefnu'r ystafell 64m² mewn fformat ystafell fwrdd (20 o bobl) neu fformat theatr (50 o bobl), gyda bleinds awtomatig fydd yn addasu’r ystafell a’i pharatoi ar gyfer fideo-gynadledda, cyflwyniadau, neu ffrydio byw. Mae hygyrchedd yr ystafell, yn ogystal â’i dodrefn cyfoes, cegin fach breifat, WiFi am ddim a system aerdymheru yn gwneud yr ystafell yn addas ar gyfer ystod o swyddogaethau. Mae modd darparu lluniaeth yn yr ystafell, neu gallwch archebu cinio ymlaen llaw i'w fwynhau ym mwyty'r Caban.

Rydym yn hapus i weithio gyda chi i greu'r digwyddiad perffaith. Cysylltwch â ni ar info@cofgar.wales i drafod eich gofynion, neu llenwch y ffurflen gyswllt yma

Mae CofGâr a'r Amgueddfa Cyflymder yn ymwybodol o oblygiadau amgylcheddol moduro. Mae ein nodau amgylcheddol i fod yn awdurdod lleol carbon sero-net erbyn 2030 yn golygu ein bod yn canolbwyntio ar y dyfodol yn ogystal â'r gorffennol. Mae adeilad yr amgueddfa wedi’i dylunio i leihau allyriadau carbon ac yn effeithlon dros ben. Mae’n lle addas, felly, i archwilio dyfodol ceir a symudedd trwy ffurfio partneriaethau a chynnal digwyddiadau ac arddangosfeydd arbennig.

Cyfarwyddiadau

Amgueddfa Cyflymder, Marsh Road, Pentywyn. Sat Nav: SA33 4NY.  Mae'r Amgueddfa wedi’i lleoli ger y môr ac yn agos i ganol pentref Pentywyn.

Parcio a Thrafnidiaeth

Mae meysydd parcio talu ac arddangos wedi’u lleoli’n agos at yr amgueddfa gyda phwyntiau gwefru cerbydau trydan. Mae lle parcio ar y traeth hefyd (yn dibynnu ar y llanw).

Mae’n bosibl llogi storfeydd beiciau diogel ar y safle, ac mae llochesi beiciau hefyd ar gael yn rhad ac am ddim.

Gallwch chi gyrraedd yr amgueddfa drwy ddefnyddio llwybrau bysiau cyhoeddus, gyda gwasanaethau bws yn rhedeg i Gaerfyrddin (rhif 222) a Dinbych-y-pysgod drwy Saundersfoot (rhif 351) yn ddyddiol. Mae’r gwasanaethau yn cael eu gweithredu gan Taf Valley Coaches.

Mae'r gorsafoedd trên agosaf at yr amgueddfa yn Hendy-gwyn (oddeutu 10 milltir), Dinbych-y-pysgod (oddeutu 17 milltir), a Gaerfyrddin (oddeutu 18 milltir)

Cyfleusterau

Toiledau hygyrch a thoiled Changing Places yn yr Amgueddfa a'r Caban.

Loceri ar gyfer eich eiddo yn yr amgueddfa.

Siop anrhegion yr amgueddfa.

Man chwarae a meinciau picnic y tu allan i brif fynedfa'r amgueddfa.

Mynediad hygyrch i bromenâd y traeth ac i'r traeth enwog 7 milltir o hyd.

Sawl lle i fwyta sy’n agos i’r amgueddfa. Mae bwyty'r Caban reit drws nesaf https://cabanpentywyn.cymru/

Prisiau

Mae yna docynnau dydd a thocynnau crwydro 7 diwrnod ar gael, i roi digon o gyfle i chi gael gweld yr ardal.

Cost y tocynnau yw £7 i oedolion, £6 gyda gostyngiad (myfyrwyr a phobl ag anabledd yn unig), a £4 i blant (5-18 oed). Mae gennym hefyd docyn dydd 4+ hyblyg, sy’n cynnig gostyngiad o 10% i deulu neu grŵp bach o bedwar neu fwy o bobl.

Mae'r tocyn crwydro 7 diwrnod yn rhoi ymweliadau diderfyn â'r Amgueddfa Cyflymder a Chartref Dylan Thomas yn Nhalacharn am 7 diwrnod. Cost y tocynnau wythnosol yw £10 i oedolion, £9 gyda gostyngiad, a £5.50 i blant (5-18 oed).

Telerau ac Amodau

Mynediad am ddim i blant dan 5 oed.

Mae gostyngiadau tocyn yn berthnasol i fyfyrwyr (sydd â cherdyn myfyriwr dilys) a phobl ag anabledd.

Mynediad am ddim i ofalwyr pan fyddwch yn dod gyda’r person rydych yn gofalu amdano.