Gwirfoddolwr Ymgysylltu â Theuluoedd
Ydych chi'n angerddol am hanes, celf a diwylliant ac a oes gennych chi ddiddordeb mewn creu profiadau bythgofiadwy i deuluoedd?
Pwrpas
Darparu ymweliad eithriadol i deuluoedd, gan ddod â'n casgliadau amgueddfeydd yn fyw i blant a phobl ifanc.
Tasgau Gwirfoddolwyr
Cefnogi gweithgareddau a digwyddiadau i'r teulu
Darparu amgylchedd diogel, croesawgar a chynhwysol i blant a phobl ifanc
Ennyn diddordeb plant a phobl ifanc mewn ffyrdd hwyliog a rhyngweithiol, gan drafod gwrthrychau, dilyn llwybrau a gwisgo i fyny, gan eu hannog i gymryd rhan a sgwrsio
Cyfrannu syniadau creadigol ar gyfer gweithgareddau sy'n addas i deuluoedd ledled yr amgueddfa
Cyflwyno sesiynau crefft, gweithgareddau tymhorol a gweithdai
Sicrhau bod mannau ymwelwyr yn ddiogel, yn lân ac yn daclus
Pwy rydyn ni'n chwilio amdano?
Rydyn ni’n chwilio am bobl sy'n mwynhau ymgysylltu â phobl o bob oed, gan gynnwys teuluoedd sydd â phlant a phobl ifanc;
pobl sy'n hyblyg ac yn mwynhau dysgu pethau newydd a phobl ag ymagwedd gyfeillgar a chydweithredol.
Beth yw'r manteision i chi?
Rôl hwyliog ac amrywiol sy'n rhoi boddhad drwy ddarparu amserau bythgofiadwy i deuluoedd wrth iddynt archwilio a dysgu gyda'i gilydd
Cyfle i ddatblygu eich sgiliau cyfathrebu ac ymgysylltu mewn amgylchedd amgueddfa dynamig
Cyfleoedd i gwrdd â gwirfoddolwyr, staff a sefydliadau partner eraill
Ennill Credydau Amser Tempo i'w defnyddio ar ddiwrnodau allan!
Ymrwymiad
Hyblyg – Dim isafswm ymrwymiad.
Ar benwythnosau ac yn ystod gwyliau ysgol.
Hyfforddiant a Chymorth
Bydd sesiwn sefydlu, hyfforddiant a chefnogaeth barhaus gan staff a gwirfoddolwyr eraill ar gael.
Cysylltu
Mae'r rôl hon ar sail wirfoddol ac nid yw'n creu trefniant cyfreithiol rhwymol na chontract cyflogaeth â thâl.
Am fwy o wybodaeth ac i wneud cais, cysylltwch â'n Swyddog Gwirfoddoli, Jenna Morris drwy e-bostio JAMorris@sirgar.gov.uk neu ffoniwch 07929 781547.